കാഞ്ഞിരക്കൂട്ടം എന്നര്‍ഥം വരുന്ന കുസിരകൂട് എന്ന കന്നഡ വാക്കില്‍ നിന്ന് കാഞ്ഞിരോടും പിന്നീട് കാസര്‍കോട് എന്ന നമ്മുടെ സ്വന്തം നാട് ഉത്ഭവിച്ചു. ഇത്തരത്തിലുള്ള ഒരുപാട് ചരിത്രം നമ്മുടെ കാസര്‍കോടിന് പിന്നില്‍ ഒളിച്ചിരിപ്പുണ്ട്. ഒരുപക്ഷേ നമുക്കിടയിലെ മിക്കവാറും ആളുകള്‍ക്ക് ഇത്തരംകാര്യങ്ങള്‍ അറിയണമെന്നില്ല. അതുകൊണ്ട്തന്നെയാണ് നൂറ്റാണ്ടുകള്‍ക്ക് മുമ്പുള്ള നമ്മുടെ ജില്ലയെക്കുറിച്ച് പ്രസിദ്ധീകരിക്കാന്‍ 'ബിസ്യം' ത്തെ പ്രേരിപ്പിച്ചത്.പണ്ട് കാലങ്ങളില്‍ കാഞ്ഞിരോട് എന്നപേരിലായിരുന്നു നമ്മുടെ ജില്ല അറിയപ്പെട്ടിരുന്നത്. കേരളത്തിലെ ഏറ്റവും വടക്കേയറ്റത്തെ മുന്‍സിപ്പാലിറ്റിയായ നമ്മുടെ ജില്ലയില്‍ മലയാളത്തിന് പുറമെ കന്നഡ ഭാഷയും കൂടുതലായി ഉപയോഗിച്ചു വരുന്നു. കിഴക്ക് പശ്ചിമ ഘട്ടവും പടിഞ്ഞാറ് അറബിക്കടലുമായി സമ്പല്‍സമൃദമായ ജില്ലയുടെ വടക്ക് കര്‍ണാടക സംസ്ഥാനത്തിലെ ദക്ഷിണ കന്നഡ ജില്ല, തെക്ക് കണ്ണൂര്‍ ജില്ല എന്നിവ സ്ഥിതി ചെയ്യുന്നു. കാസര്‍കോട്ടെ ഭാഷകള്‍ പൊതുവെ കന്നഡ, കൊങ്കണി, തുളു എന്നീ ഭാഷകളുടെ കൂടിക്കലരല്‍ കാണാം
0 comments